On yeddi yaşında sevdiyim gözəl
Bir az dəcəl idi, bir az “dəliydi”
Eşqimin təməli, o, əzəliydi.
Qızların içində ən gözəliydi,
On yeddi yaşında sevdiyim gözəl.
Təmizlik, ülvilik düşüncəsiydi,
Qönçədən çıxmamış gül qönçəsiydi.
Qızların zərifi, ən incisiydi
On yeddi yaşında sevdiyim gözəl.
Gözəllik gözələ Xudadan paydı,
Gündüzlər Günəşdi, gecələr Aydı.
Ömrümə, günümə işığın yaydı
On yeddi yaşında sevdiyim gözəl.
Eşşqində o Leyli, Əsmət olmadı,
Heyif aramızda kəsmət olmadı.
Mən ona, o mənə qismət olmadı
On yeddi yaşında sevdiyim gözəl.
İncidim taledən, incidim baxtdan,
Özüm öz yuvama baxdım uzaqdan,
Qəlbimdə bir yara qurub o vaxtdan
On yeddi yaşında sevdiyim gözəl.
Qaytar məni dənizlərə
Əsəd Cahangirə
Ulu Tnarım! Dünya məni
Gəlişimə kiritmədi
Duzlu olur dəniz suyu
Saxladığın çürütmədi
Qaytar məni dənizlərə.
Göy suların arasında
Əzizləsin yosun məni
Gözlərinin qarasında
Su pərisi yusun məni
Qaytar məni dənizlərə.
Hər nə olum, hər kim olum
Bezmişəm yer deyiləndən
Balığına qoy yem olum
Adamların əyiləndən
Qaytar məni dənizlərə.
Çay olmağı diləyirəm
Sal qayalar yara-yara
Mən qovuşmaq istəyirəm
Dəryalara, ümmanlara
Qaytar məni dənizlərə.
Təmizliyin itirməyir
Istəyirəm dəniz olum
Suyu çirkab götürməyir
İstəyirəm dəniz olum
Qaytar məni dənizlərə.
 |
