|
SEVƏN BİR ÜRƏK
Qaranlıq gecədə yanır könüllər,
Bağırır ürəklər, lal olub dillər…
Yaman həsrət çəkir əllərə əllər,
Səbrlə yaşarmı sevən bir ürək?
Hər gün "ölərəm"lər, hər gün "ölmələr",
Hər gün ağlamalar, hər gün gülmələr…
Yalana batıbmış bütün kəlmələr,
Görən bağışlarmı sevən bir ürək?
Ömür keçir.. sənsiz keçir gecələr,
Özgə adamlarla dolur küçələr…
Bircə həmdəmimdir bu xatirələr…
Döyünür səninlə sevən bir ürək!
SƏNSİZ DƏQİQƏLƏR
Yazdım sənə …
Yazdım səndən ….
Zindan oldu yazmadığım dəqiqələr!
Səhər ümidlə açıldı...
Gecə ümidlə keçdi...
Darıxdım bu təkrardan -
sənə yazdım,
səndən yazdım,
bizə yazdım,
bizdən yazdım…
Darıxdım.
Ağladım.
Keçdi...
|
|
