|
ADAMLAR
Hara baxırsan adamlar Metroda adamlar, küçədə adamlar Çöldə adamlar, içəridə adamlar Yad baxışlar, yad münasibət qəti addımlar Yıxılana baxmayanlar Gülənlə gülməyən, kövrəlibən ağlamayanlar Bir anda pullananlar Vəzifəyə minib quduranlar Adama oxşar adamlar Doğrudan qaçıban, yalana tapınanlar Allahı unudub, şeytana uyanlar Sayılan, sayılmayanlar Adama oxşar adamlar, Mələyə oxşar adamlar, Torpağa, küləyə Havaya, suya Oxşar adamlar Sənə oxşar, mənə oxşar adamlar Bəs hanı insanlar? Adamlıq körpüsündən keçibən İnsan olmağı bacaranlar Göstərin onları, Tapım onları Sığınım onlara-insanlara
MƏHƏBBƏT DİLƏNÇİSİ
Utanmıram, məhəbbət dilənirəm Bir parça məhəbbət, Bir az sevgi, səadət Sevgi dolu baxış, narın yağış Altında etiraf dilənirəm Hər şey olan yerdə məhəbbət yoxa çıxıb. Leylilər - olub "kroşka", Məcnunlar "maska" Kim baxır, məhəbbətə Hamı baxır cibə, maşına, Yaxşı maaşa, şəraitə. Bax belə zamanda mən Dilənirəm məhəbbət. İstəmirəm belə cəmiyyət! Dilənirəm bir parça məhəbbət.
|
|