|
İLK MAAŞ
Həyat kitabına atdığım imzam
Özünə təzə yer seçibdi indi,
Sinif jurnalına yazılan qiymət
Maaş cədvəlinə köçübdü indi.
Alnımın ilk zəhmət damlalarıdı
Qədir ölçüsünə-meyara dönüb.
Bəlkə əllərimin ilk qabarıdı,
Kağıza çevrilib ovcuma qonub?!
SÜKUTUN DİLİ
YOLLARIMA
DUMAN ÇÖKƏR,
HƏSRƏTİMƏ
GÜMAN KÖÇƏR.
ZAMAN KEÇƏR,
YAMAN KEÇƏR,
YAXŞI QALAR,
YAMAN KEÇƏR.
GÖZLƏRİNDƏN
"AMAN!" KEÇƏN
AYIM-GÜNÜM,
SEVGİ GÜNÜM,
NƏ SƏN DANIŞ,
NƏ MƏN DİNİM…
|
|
