|
PAYIZ
Yenə payız gəlir, başlanır təbiətdə yarpaq tökümü. Ağaclar tökür öz yükünü Nə olaydı, məndə tökəydim dərd yükümü, yükünü…
DÜNYA BAŞIMA FIRLANIR
Gözlərini bürüyüb nəm, Dərya başıma fırlanır. Mən Məcnun gəzən Leyliyəm, Səhra başıma fırlanır.
Ümüdlərim - söz zərimdə, Arzularım - gözlərimdə, Diləklərim - sözlərimdə, Misra başıma fırlanır.
Güləmail, demişəm ki, "O qədər qəm yemişəm ki!.." Dünyaya neyləmişəm ki, Dünya başıma fırlanır.
XIRMANI YELƏ VERMİŞƏM
Qardaş Türk elindən olan gözəl şairimiz Yabuz Bülent Bakilerin "HARMAN" şeir kitabını oxuyarkən yaranan şeir
Ümid Allaha qalmayıb, İmanı yelə vermişəm. Gümanım daha qalmayıb Gümanı yelə vermişəm.
Hanı o təb, hanı o nur? İlhamıma sükut cumur, Üzərinə bulud cumur, Dumanı yelə vermişəm.
Söyləyirlər görən təki Güləmail qocalıb ki!.. Daha məndən nə qalıb ki? Xırmanı yelə vermişəm. Xırmanı yelə vermişəm.
ALLAHIM
Dünyanın dərdini boynuma biçdin Sarıyan olmur yaralarımı. Sirli düyünləri aça bilmirəm Açarı səndədir Özün aç Allahım.
DƏRDİMDİ
Dərdimdi: məni çıraq tək yandıran ancaq külü qalmışdır bu dərdlə məndə Od gizlətmək olar bu kül bədəndə.
|
|