|
HƏR ŞEY ÖZ YERİNDƏDİ
Sən gedənnən nə dəyişib ki? Yenə günəş şərqdə çimir, qərbdə boğulur. yenə fəhlə dostum tez-tez əllərini yaralayır. Sən gedənnən nə dəyişib ki, yenə yayda bənizim qara, qışda qismən ağ olur, yenə dostlar tost deyir, şüşələr boşalır. əvvəllər də beləydi... Sən gedənnən nə dəyişib ki?! Bir az işıq pulumuz çox olur, lentdəki səsinə qulağ asıram, sən oynayan toylara baxıram. Daha telefon borjumuz da olmur. Sən gedənnən süfrəm də bollaşıb, Dostlar da pullaşıb. Tez-tez səni unutmaqla məşgul oluram. Yeyə-yeyə, içə-içə Qızlar da azalır gözümdə sənə bənzərlərini seçə-seçə. Sən gedəndən siyasətlə məşğulam - İnsanların yerlərini dəyişirəm ürəyimdə, məhkəmədə hakiməm, tez-tez özümə jəza kəsirəm. sən gedəndən nə dəyişib ki, hər şey öz yerindədi mən də ölümdə.
Kitablar aldatdı bizi, Nazim baba
"Sonu yaxşılıqla bitən kitablar göndərin mana" Nazim Hikmət
Yox, Nazim baba, olmadı, gənjəm, fəqət inanmıram, Nazim baba sonu yaxşılıqla bitən kitablara, sonu nikbinliklə bitən nağılara, Ömrün çoxu zülümsə, İnsanın sonu ölümsə, Yaxşılıqla bitə bilməz heç nə, Kitablar aldatdı bizi, Nazim baba. Qızların ağ atlı oğlanları gəlmədi, ömrümüzü yandırdıq simurq quşu gəlmədi. Insanlar haqqında iki yüzdən çox elm oldu, Amma insanları tanıya bilmədik, Çox ağların altından qara çıxdı, çox... Səndən sonra da yoxdu sonu yaxşılıqla bitən kitablar. güllələnən partizan xilas olmadı, həkim gülərək çıxmadı əməliyyatdan Qanadları qırılan təyyarə sağ-salamat enmədi yerə" Hər birinin öz ölümü oldu, Nazim baba. Sonu yaxşılıqla bitən kitablar nağıllardı, nağıllarsa uydurmadı. Sənə çatmadı sonu yaxşılıqla bitən kitablar, Bizə də. İnşallah, bizdən sonrakılara çatar!
ÖLÜMƏ ÇAĞIRMADILAR
Çox gülmədim deyəsiz, gülüb özündən getdi. Mən öləndə deyərsiz, ölüb özündən getdi.
Bu dərd yolun fikirli, mən öz-özümə getdim. Ölümə çağırmadılar, salıb üzümə getdim.
HƏRDƏN
Bir az küsmək, bir az barışmaq qatdın, sağ ol, dəyişdin sevginin dadın. Xoşbəxt yaşamaq çətindi, hərdən kədər də lazımdı, Sağ ol, düzgün nizamlayırsan məhəbbətin balansını. Hərdən ümidlər də qırılmalıdı. İtirmədiyin yerdə axtararkən arxayın olursan tapmayajağına. Hərdən tapmamaq lazımdı. İzli yollar əvvəlki ünvanlara aparajaq bizi. Bir az tərsinə yaşamaq lazımdır, gəldiyimiz yolları bir də qayıtmamalıyıq. Divarlar küçələrə üz çevirir, həm bizə, həm də divarın əks tərəfindəkilərə, sən mənə. Amma həmişə yox, hərdən. Qalalar ölkələri, divarlar həyətləri, ayrılıq sevgini qoruyur , Amma həmişə yox, hərdən.
MƏNDƏN QƏHRƏMAN OLMAZ
Bəlkə də insanlar ağlamırlar, insanlar ağlayanda axtarırlar özlərini, itirdiklərini göz yaşının küçələrində. Dostlar tost deyəndə Allahı çağırırdılar. "Allah janımızı sağ eləsin" Arağın haramı ilə Allahın halallarının təzadını gördüm süfrəmdə, arzuların saxtalığını anladım. Sən içəndə daha çox yadıma düşürsən, Sevəndə və sərxoş olanda ağlımız başımızda olmur. İçib sonra qusan dostuma xəstəliyinin adını deyə bilməyəndə Anladım ki, yumruğum qəzəbimin ifadəsi deyil. Məndən qəhrəman olmaz. Avtomobil yollarından, qatar relslərindən, havadakı təyyarələrdən umajağım yox, Heç biri məni məndən apara bilməz, Nə də səndən. İlk sevdiyim, ilk şeirim, ümumən, həyatımdakı ilklər daim maraqlı, sonları düşünmək də istəmirəm, məndən qəhrəman olmaz. Ayağım ağrısını unutmur, ürəyim səni, Hərdən evlənmək haqqında düşünürəm, Evlənmək ev olmaqdı, Evlənmək həyatı birləşdirir deyirlər, əslində evlənmək ömrü parçalayır, qadına uşağa, evə və s... sevgininin vahidliyi belə yoxmuş... Eh... Tüpürjəyini udanlar jəsarətsiz adamlardı, tüpürmək iyrənməkdən qurtulmaqdı Həyatda iyrəndiklərimə tüpürə bilmədim bəzən məndən qəhrəman olmaz.
BƏLKƏ
Allah bizi yıxa-yıxa, Bəlkə də döyüb öldürür. Allah bəzi qojaların qəddini əyib öldürür.
Xoş halına ölənlərin, Vay halına qalanların Allah bəzən sevənlərin Xətrinə dəyib öldürür.
SADƏ
Uşaqkən beşiyini bəzəmişdilər, daha sonra yüyrüyünü, sonra da oyunjaq evini, evlənərkən gəlin maşınını, ölərkən tabutunu, sonra məzar daşını, İndiysə danışırlar ki, Rəhmətlik sadə gəldi, sadə getdi.
UNUTMAMIŞAM
Unutmamışam, heç nəyi unutmamışam. Küçəniz şeirlərini satan şairin adını daşıyır, Qapınızın nömrəsi - Gənjə maşınlarının nömrəsidi. Divarınız əhəngliydi Eyvanınızı rahat görmək olur küçədən. Hasarınız alçaqdı. Yadında varsa, müəllimə olmaq istəyirdin mən də polis. indi sən anasan mənsə, eh... məndən gözəlini axtarırdın məndən eybəjərinə qismətsən. arzularımız yuxu kimi Tərsinə oldu. Tərsinə... İndi eşitdiyimə görə uşaq arzulayırsan. Ana olmaq istəyirsən… Mənsə beşik düzəldib satıram. bir gün nə vaxtsa gələjəksən yanıma...
GƏL QAÇIB GEDƏK DÜNYADAN
Gözümə işığın düşür. Yarın-yaraşığın düşür. Gəl qaçıb gedək dünyadan, Pasportun var, yaşın düşür,
Qapıya elçi gələndə. Təriflərlə öyüləndə. Yaxşı oğlan deyiləndə. Yada ev və maşın düşür.
Davam edir dava-dalaş. Bu nə taleh, bu nə savaş. Tələsmə sən, yavaş-yavaş Hər gün ölüm aşın bişir.
|
|