|
DUSTAQLAR HAQQINDA NƏĞMƏ …
Gejələr səhəri səhərlər gejəni gözlər dustaqlar… Nəfəsləri ilə əridib gejəni səhər eylər dustaqlar… Hər şeyi vaxtla ölçər dustaqlar… Burnunun uju göynər hər gün öpdüyü uşağından ötrü, sözünə baxmadığı anasından ötrü… Keçmişi gözünə dolar dən-dən, Rəqs eliyər sözlər dilinin altda, Bajı -qardaş olar divarlarla, Hər gejə çarpayısı ilə qujaqlaşar dustaqlar… Hər gejə yuxusuna tanımadığı bir qadın salar, gejəni səhərə su kimi axar Dustaqlar… yalquzaq olar Dustaqlar… Azadlığa çıxanda sanki, yenidən həbs olunar Dustaqlar…
MÜHARİBƏ HAQQINDA ŞEİR…
Müharibə… Qonşumuzun qırx beş yaşlı qızının gözü yol çəkir. Hər kəsə başıyla salam verir sağ qolunu itirən oğlan, Müharibə… Uşaqlar evdə aj… Ayağını itirmiş ata görən gözü ilə "peşman olmamışam" - deyir arvadına. Müharibə… Qızlar seminariyasının həyəti bomboş görünür, bəlkə də ən nifrət etdiyi oğlanın belə yolunu gözləyir o qız. Müharibə… Üst-üstə qalıb dükanda siqaretlər, siqaret tüstüsü üçün darıxmış şəhər. Müharibə… Və Qadın ətri verir şəhər.
ASAN İŞ…
Bir dəfə televizora baxanda üstünə Şuşa yazılmış, və yıxılmış dirəyi görüb balaja qardaşım mənə dedi: - Qaqa, o dirəyi qaldırmağa nə var?
DUSTAQ...
Gözü ilə bitən anam, gözündə itən anam qollarında böyütdü məni indi qar yağır başına həbsxana qapısında
ŞUŞA
Əl jaldıq düşdü silah ah-ah pah-pah of-of uf-uf ay-ay oy-oy uy-uy vay-vay bıy-bıy boy-boy maaaa mama məəəə məmə baaaa baba bəəəə bəbə nəəəə nənə qan qan-qan qanı-qan qana-qan jana-jan jan-jan Azərbaycan
YÜZ QRAM...
Sərxoşlar hər şeyi yüz qramla ölçər. Yüz qram şeir yazmaq... Yüz qram qız sevmək... Yüz qram yaşamaq... və sairə... Hə, bir də hər gün Yüz qram ölmək...
ƏSƏB...
Birini həddindən çox sevmək əsəbdi... Elə tez unutmaq da Çox yeməyin də, çox danışmağın da, susub heç danışmamağın da əsəbdi... Şeir yazmaq da əsəbdi... Yaza bilməmək daha dəhşətli... əsəbdi... Çıxmaz yadımdan heç vaxt... Əsəbi şairlər...
BƏS NƏDİ?
Bir telefon səsinin səni yuxudan oyatmağı məni sevməyin deyilmi? Hər dəfə televizora baxanda "Ahh, susun, susun, tərəzi bürjüdü, qoyun qulaq asım" - deməyin məni sevməyin deyilmi? "Tərəzilər külək kimi əsən olur" eşidəndə tez durub qapıları açmağın məni sevməyin deyilmi? Sonra da əllərini yağışla yuyub, küləklə qurutmağın, siqaret tüstüləri üçün darıxmağın, Orxan Pamukun romanlarını oxumağın, Müşfiqi adın kimi əzbərləməyin məni sevməyin deyilmi? Dağlarda sıxılıb, Çöllərə qaçmağın, Saçlarını küləklə yumağın, Şeirlə yatıb, Şeirlə durmağın məni sevməyin deyilmi? Gejələr günəşi verib yuxuya ulduzları saymağın, ayla pıçıldaşmağın məni yuxuda görəsən deyə işığı söndürüb qaranlığı otağına doldurmağın məni sevməyin deyilmi? Susayanda adımı pıçıldamağın, üşüyəndə qollarını qujaqlamağın məni sevməyin deyilsə, Bəs nədi?
AĞAC ADAM...
Sən ağlayan yerdə indi bir ağaj bitib... Gülüm! Hər gün dayanıram xatirən önündə... Söhbət edirəm səninlə... - Nejəsən? - Pis - Niyə? Sonsuzam... Ahh, ahh Söyüd ağajı, mən indi bildim sən "O" san... Başını aşağı dikmisən, utanırsan, nədi? Hərdən saçaqlarının Pırtlaşmağı bəlkə elə məni düşünməyinnəndi? Tük kimidi yarpaqların, Barmaq kimidi budaqların, Gözdən düşmüş, göz kimisən, Ay yaşıl söyüd! Sənə baxan gözlər çıxsın sənə söykənən qollar qırılsın, günəş ölsün... səni bura əkən ölsün. Ay yaşıl söyüd! Dərdləri içində boy atan söyüd! Tozlanıb saçın, On səkkiz ölçülü barmağına bax... Barmağında brilliyant qaşına bax... Brilliyant qaşa yapışıb həyatın, ay yaşıl söyüd! Mən yüz faiz bilirəm sən "O" san... Qoy onda sözümü deyim! Sən kökündən yox, brilliyant qaşlı barmağından quruyajaqsan...
|
|