|
Dərdim
Heç bilmirəm suçum nə Sevinc mənə dönükdü. Yumruq boyda ürəkdə Dərdim dağdan böyükdü.
Mən dərdimi söyləsəm, Yerindən qalxar dağlar. Gözlərimin yaşına Buludlar baxıb ağlar.
Niyə də ağlamasın, Ruhum çəkilir dara. Qorxuram ağlamaqdan Göz yaşım da qurtara...
Allah! Qoyma boğulum Gözlərimin yaşında. Birdən ağlayan olmaz Məzarımın başında...
Sənsiz
Sənsiz gözlərimə yuxu getməyir , Laylam yox , anasiz uşaq kimiyəm . Sənsiz gözlərimin yaşı bitməyir , Çağlayan, qaynayan bulaq kimiyəm .
Səni itirəndən məhbəsdəyəm mən , Dünya gözlərimdə zülmət , qaranlıq ... Uzaq səfərim var , yol üstəyəm mən , Nə olar üzünü göstər bir anlıq .
Halıma küləklər mərsiyə deyir , Buludlar durmadan göz yaşı tökür . Sözlərim bəxtim tək qara don geyir , Şeirim dərd önündə hər an diz çökür …
Gəl güldür dünyamı, günəşim saçsın, Nurlansın ömrümün aysız gecəsi. Ruhum vüsal adlı şərabdan içsin, Məstliklə yox olsun, ağrı, acısı...
Nə zaman
Həmişə bu günün işini qoyuruq sabaha, Zəmanətimiz olmadan Bir saat sonra sağ qalacağımıza! Zəmanətimiz olmadan Sabah o işi görməyə mütləq Müvəffəq olacağımıza! Bu günün işini qoyuruq sabaha...
Həmişə bu günün işini qoyuruq sabaha. Hər şeydən baha ömrümüzü isə Satırıq boş-boş şeylərə, tamaha.... Sabah isə ayağımız tutmayanda, Əlimiz istədiyimizə çatmayanda, Asi oluruq Allaha. Görəsən bu nə zamana qədər çəkəcək daha...
Görəsən nə zaman işimizi vaxtında görəcəyik, Allahın əmanətini olduğu tək verəcəyik? Nə zaman, Nə zaman...
|
|