|
|
|
|
|
|
|
|
|
|
|
Rəfail TAĞIZADƏ
|
|
|
|
|
|
Vitrindəki paltarlar
alıcısın gözləyən vitrindəki paltarlar utanar zaman zaman utanar yaman kirayəşin bədənə geyinilib soyunmaqdan
vitrindəki paltarların "apar məni, apar məni" deyən yalvaran baxışları uzanar uzanar qapıyajan vitrindəki paltarlar bir anlıq xoş baxışlara aldanar vitrindəki paltarlar umuddan asılar gejədən səhərədək vitrindəki paltarlar xəyallarında bir isti bədənə sığınıb gəzər yaz gecələrində şəhərin tənha küçələrində
Elektrik qatarında
hərdən bu dünyaya bir qatar pəncərəsindən baxıram və bu dünyaya baxa-baxa göy üzündə buludlara qoşulub uzaqlara axıram
tənha qatarın musiqisində bir yol laylası var anjaq mənim könlümdə nədənsə bir qürbət havası var
bu gün dostumun mənə bağışladığı kitabdan bir səhifə də oxuya bilmədim elektrik qatarında xəyalım pənjərəylə dəniz arasında ümid uzaq ulduzlar kimi sayrışırdı gözlərimin qarasında
14.12.2007 Qdansk-Varşava
Payız
Ağajın yaylığı ayaqlar altda, yeriyə bilmirəm xışıltısından. Çılpaq ağajların əlləri göydə yarpağın son dua pıçıltısından.
Yenə gəlib çatdı payız axşamı yenə də könlümdə küləklər əsir, axşam süfrəsində boş qalan yerdə kölgələr dolaşır, kölgələrdə sirr.
Pənjərə önündə ağaj kimiyəm, xatirə yarpaqlar uçur havada. Bu evin divarı yoxmuş, ilahi, döşəmə, dənizdə darıxan ada.
Göyün üzün alıb qara buludlar, pərdələr üşüyür otaqda indi. Səmtini itirib, yolunu azıb, jığırlar o, yarpaq yataqda indi.
***
Daha bu sevginin əlindən tutub hara gedəjəyəm bu gündən belə. Olan gümanlar da bura qədərmiş itirdik illəri biz bilə-bilə.
Ay da çəkilibdi bu göyüzündən o salxım buludlar bu gejə qara, məni çıl-çıraqlı sahildə gəzmə? Məni qaranlıqlar içində ara.
Qaranlıq gejənin yuxularında qalmışam bir qara sevda əlində. Biri-birimizi unudan gündən sevgilər danışır özgə dilində.
Fikirlər, xəyallar məngənəsində dolanıb, dolanıb yorulajağam, gejənin birində üzümü örtən o bulud saçında boğulajağam.
***
sevgimizin olanlarını basdırdım bu gejə xəyallarımda boğdum özümü sənin əllərinlə boğazımda səni qatil edən barmaq izlərin qulağımda qaranlıq pıçıltıları jan verən xəyallar çırpınır boş otaqda soyuq yataqda köçəjəyəm adına yazdığım bu gejədən adsız küçədən aydan ayrılan bulud bağlayır çərçivəsiz qapımı örtür şüşəsiz pənjərəmi Kölgəsindən tanınar şairlər
Vaqif Bayatlı Odərə bu köhnə şəhərin qaranlıq gejələrində bu köhnə şəhərin qaranlıq küçələrində köhnə küçə fənərlərinin süzülən işığında özünü tənhalıq qoynuna almış yalqız bir şair kölgəsi tanış tanınar şairlər doğma yad küçələrdə tanınar şairlər bu yer üzündə tanınar şairlər özündən qabaq əlindən üzündən gözündən qabaq kölgəsindən tanınan şairlər küləklər tanıyar küçə tanıyar bu zülmət qaranlıq gecə tanıyar könlümdə könlündə bir hiss tanıyar mələklər tanıyar iblis tanıyar gejənin qaranlıq süst dodaqları sümürər şairi səhərə kimi əriyər yox olar şair hər gecə içilər biçilər şair hər gejə böyüyər kiçilər şair hər gejə təzədən doğulub aparar səni qoparar gecədən qoparar səni tanınar şairlər özündən qabaq əlindən üzündən gözündən qabaq kölgəsindən tanınan şairlər
tanınar şairlər bu yer üzündə bu qara gecədə bir yad küçədə izdiham içində dalğa içində seçilə bilirsə şair kölgəsi lap elə bu saat lap elə bu an lap elə təzə ay doğana kimi sevinjim özünü boğana kimi bir şeir yazmağa dəyər bu gecə
Günlərim səpələnir gözümdən
göy üzü hamilə qara buludlar ağlamsınan zülmət gejə fikirli dəniz dünyanın qara xəbərləri bir də mən varam yer qara göy qara bu gün doğma köy qara ağlaşma qarğış çağırış səsləri gəlir dağların o üzündən günlərim səpələnir gözümdən qapqara qaralmışam dərdlər arasında çəkilən sədlər sırasında
dan yeri sübh çağı yaddaşımı silkələyir çoxdan eşidilməyən azan səsi ozan səsi qaranlıqdan sağ çıxsam qarşıla məni qardaş dağların o başında dünənki yaşında
Davalı yuxular
mən qatil yuxusunamı girmişəm ya qatilmi yuxuma girir gejəm qan rəngində yuxum qan içində hər gejə qan tökülür yatağıma yuxularımdan bu nə savaşdı röyalar arasında yuxular sırasında hər gejə bitməyən müharibə gedir yuxularımda hər gejə müharibədi röyalarımda hər gejə qan tutmuş gözlərimdən qan tökülür yatağıma ağappaq yuxum qan içində qan sızır qəlbimin yarasından qanlı əllərim boğur məni yuxularımda özüm-özümü boğmamış atın məni jəbhə bölgəsinə bu qanlı əllərimlə boğum düşməni…
Şəmkirdə gejə
kəhrizin səsi gəlir pənjərənin altından küçədən ötən maşınlar əkiz evlərin yarıqaranlıq kölgələrini daşıyır küçənin sonuna qədər yaxınlıqdakı kilsə və məsjid gündüz oxunan duaları Tanrıya ismarıjlayır gejənin qaranlığında bu gejə buludları ötən səsimə əl etdim ilk dəfə ay işığında
kövrələn buludlar məni yatmağa qoymur adam bu dualı gejədən doymur
kəhriz suyuna qoşulub axan xəyallarım aparır məni o uzaq uşaqlıq illərinə
|
|
|
|
|
|